ပြည်တော်ပြန်ဆိုတာ မဲဆောက်မှာခေတ်စားတယ် တပတ်မှာတခါပြည်တော်ပြန်ဆိုတာရှိတယ်
်တနင်္လာနေ့မှာ အဖမ်းခံရတဲ့သူတွေကတော့ ပြည်တော်ပြန်ထဲပါဖို့များတယ်
ပြည်တော်ပြန်ဆိုတာကလည်း မဲဆောက်ကနေပြန်ပို့ခံရတဲ့မြန်မာပြည်သားကိုမိမိတို့နေရပ်ဌါနေကိုပြန်ပို့တာကိုခေါ်တာပါ။
မြန်မာဘက်ခြမ်း မြ၀တီမြို့မှာ ပြည်တော်ပြန်စခန်းဖွင့်ထားတယ်။
ပြီးခဲ့တဲ့လက ကျနော်နေထိုင်ရာ အလုပ်သမားတန်းလျှားမှာ နံနက်စောစော စစ်တပ်တွေနဲ့ဝိုင်းပြီးလာဖမ်းကြတော့
အလုပ်သမား လက်မှတ် (work permit ) မရှိတဲ့ကျနော်လည်းဖမ်းတဲ့အထဲပါသွားတယ် ။
တောမောရုံး(လူဝင်မှုကြီးကြပ်ရေးရုံး) အချုပ်ခန်းထဲမှာတနေကုန်ဖမ်းထားပြီးဘာမှလဲမကျွေးဘူးနေ့လည် ၃နာရီလောက်ကြတော့
ဖေါင်တွေဘာတွေဖြည့်ခိုင်းပြီး မြ၀တီဘက်ခြမ်း ချစ်ကြည်ရေးတံတားထိပ်မှာပို့ပေးတယ်။
တခါ တံတားထိပ်ကနေပြီးတော့ပြည်တော်ပြန်စခန်းကိုပို့တယ်။
စခန်းထဲမှာ ပထမဦးဆုံးတန်းစီပြီးထိုင်ခိုင်းတယ် ပြီးတော့ အရာရှိတယောက်ကမိန့်ခွန်းချွေတယ် မြန်မာပြည်ပြန်ပို့ရတဲ့အကြောင်းက ဘာညာကွိကွပေါ့ အဖမ်းခံရတဲ့ ယောင်္ကျား၊ မိန်းမ အယောက် ၁၈၃ ယောက်စလုံး ဘယ်သူမှအိမ်မပြန်ချင်ကြဘူး။
ပြီးရင်သွေးစစ်တယ်၊ ဘိုင်အိုအပြည့်အစုံပါတဲ့ဖောင်ဖြည့်ရတယ်။ အားလုံးပြီးစီးတာနဲ့ ထမင်းကျွေးတယ်။ ထမင်းစားရတဲ့အချိန်က ည ၈နာရီထိုးနေပြီ။ ညအိပ်ခါနီးမှာ အကုန်တန်းစီထိုင် အမှတ်စဉ်ရေ ကိုယ့်နံပါတ်ကိုအော်ရတယ်။ ပြီးရင်အိပ်။
နောက်နေ့မနက် ၁၀ နာရီလောက်မှာ လိုင်းကားလေးစီးနဲ့လာခေါ်တယ်။ အကုန်လုံးကိုဖားအံအထိပို့ပေးမယ်တဲ့။
ဖားအံကနေမှ မိမိနေထိုင်ရာမြို့ကို တဆင့်ကားပြန်စီးပေါ့ ညထဲကတယောက်ကို လမ်းစားရိပ် ငါးရာစီပေးပြီးသား
ဒေါ်လာမဟုတ်ဘူး ဗမာငွေ ။ ပဲခူး ရန်ကုန်လိုခရီးဝေးတဲ့သူတွေဘယ်လိုဆက်သွားမလဲနော်။
ကျနော်လည်းဒီပုံစံနဲ့အိမ်မပြန်ချင်ဘူးလေ။ တပ်မဟာဂိတ်အလွန် ဒေါနတောင်ခြေရောက်တော့
ကားပေါ်ကခုန်ချဆင်းပြေးခဲ့ရတယ်။ အဲဒါမဲဆောက်ကပြည်တော်ပြန်အကျဉ်းချုပ်ပဲရှိသေးတယ်
ပြည့်ပြည့်စုံစုံရေးရင် စာဖတ်တဲ့သူစိတ်ညစ်သွားမှာစိုးရတယ်။
ပြည်တော်ပြန်
Subscribe to:
Post Comments (Atom)
Comments :
Post a Comment